TWENTS BUFFET
Ak hier zo bie de taofel kiek
dan zeek al veul bekenden stoan
Ik zal de leu maar vast wat helpen,
Deur dr efkes met hun langs te goan.
Doar hei eerst de humkessoep,
dee wod met 'n leppel gettn.
Humkes dat bint kleine hompen
van de snieboon, moj nich vergettn
Preuf ok is van mien erftensoep,
In ’t Tweants neumt wie dat snet.
Daor zittn vérkenribkes in,
en mangs ok 'n oor of stet.
Wieders is der nog bakleverwost,
ok erg lekker in deez tied van ’t joar.
Henk, nich met de vinger deur d’ slagroom,
die he’k straks nog neudig veur d’appeltoart.
Door steet moos en ‘t smaakt nich gek,
mits het mér good wod klaor ‘emaakt,
En doarbie is d’r ok 'n hesken spek.
Kiek, doar bint Ria, Herma, Hans en Freddy,
Ze bint oald-klasgenoot'n van mekaar,
En doar schoeft nog meer van ’t spul noar binn',
welkom leu, wie
hebt
mekaar
zo lang nich meer zeen.
Mag ik ow ok nog efkes
wiezen
op de rookwost,
goed gekruud en noar ‘k mag hoppen nich te
zoalt,
en dee o zo fienen smaak dee dran zit,
komp deur ’t rookn op ‘t dennenhoalt.
In den pan
daor ergens
lig ook
nog bloodwost,
dat hei misschien wel ’s vaker had.
En veur ’t lessn’ van de grote of de kleine
dost.
Doar steet de drankwaagn’ met van alles wat.
‘Heb ok nog boerenjongs en boerenwichter,
dat bint rozienn’ en abrikoos op brandewien,
mar dat komp naderhand nog wal van pas.
't Wod in ow kop denk'lijk een stukske
lichter,
mar ’t is mear umda’j ‘t nich weet misschien,
die schept ow nich op ‘t ett’nsbord,
mear leppelt ow g'woon oet ’n
borrelglas
lekker weg en zoóner gebruukscomfort.
Kiek, doar kump Gerrit ok al binn’,
ik dach ook al, wat is dat veur kebaal.
Wie pookt nog efkes goed ’t heerdveur op,
en bie ‘n lekker glaesken wien of water,
vertelt ‘e misschien nog ’n spannd’ verhaal.
Earst aan taofel now, 'k hop da’j smakelijk zult
ettn’
en ok dat ‘r genog zal wean veur allemoal.
En um de letste krummels vot te speuln’
kan ‘k voort nog wal ’n pot koffie zettn’
En as ow vanoavend weer op ’t hoes an goat,
Ow nog steeds heérlijk en voldoan zult veuln’…
>
